“Everton” bosh murabbiyi Karlo Anchelotti Angliya Premyer Ligasida sentabr oyining eng yaxshi murabbiyi deb e’lon qilindi.
Anchelotti qo‘l ostidagi “Everton” sentabr oyida uchta o‘yin o‘tkazdi va ularning uchtasida g‘alaba qozondi. “Irislar” “Tottenhem” (1:0), “Vest Bromvich” (5:2) va “Kristal Pelas” (2:1) kabi jamoalar bilan bahs yuritib, ularning barchasini taslim etdi.
Congratulations, @MrAncelotti 🥳
— Premier League (@premierleague) October 9, 2020
The @Everton boss is your @BarclaysFooty Manager of the Month for September#PLAwards pic.twitter.com/RKoZ80hOGq
Italiyalik mutaxassis boshqaruvidagi jamoa 4-turdan keyin 12 ochko to‘plagan holda musobaqa jadvalida peshqadam bo‘lib turibdi.
Oyning eng yaxshi murabbiyi nomiga shuningdek, Yurgen Klopp (“Liverpul”, 3 o‘yinda 9 ochko), Brendan Rojers (“Lester”, 3 o‘yinda 9 ochko) va Din Smit (“Aston Villa”, 2 o‘yinda 6 ochko) kabi mutaxassislar da’vogarlik qilgandi.
Premyer Ligada sentabr oyining eng yaxshi o‘yinchisi ham “Everton” vakiliga nasib etdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)