“Vektor” markazi laboratoriyasi sobiq rahbari, virusolog Aleksandr Chepurnov “Ura.ru” saytiga bergan intervyusida koronavirus pandemiyasi sharoitida bir yoki ikki yil davomida turli cheklovlar bilan yashashga to‘g‘ri kelishi haqida gapirib berdi.
“Vaksinalardan to‘g‘ri foydalanishni o‘rganmas ekanmiz, shaxsiy cheklovlar sharoitida yana bir yoki ikki yil yashashimizga to‘g‘ri keladi. Oltin o‘rtalikni topish va tibbiyot xodimlarining yuklamalarini kamaytirish zarur”, — degan Chepurnov.
Virusologning fikricha, qat’iy karantin choralarini qaytarish mamlakat iqtisodiyotiga zarar keltirishi mumkin.
Rossiyada bir oy ichida koronavirus bilan kasallanganlar soni yana orta boshlagan. May oyidan beri 10 mingtadan ortiq kasallanish holatlari qayd etilgan.
Hukumat va ekspertlarning vaziyatga munosabati ancha ijobiy. Gamaleya nomidagi epidemiologiya va mikrobiologiya milliy tadqiqot markazi virusologi Anatoliy Altshteynning aytishicha, Rossiyadagi ikkinchi to‘lqin birinchisiga nisbatan kuchsizroq kechadi. Moskva shahri meri Sergey Sobyanin hududdagi koronavirus bilan bog‘liq vaziyat barqarorlashayotganini bildirgan. Biroq 4-oktabr holatiga ko‘ra, Moskvada oxirgi bir sutka ichida 3327 kishida COVID-19 koronavirus infeksiyasi borligi aniqlangan.
Izoh (0)