«Вектор» маркази лабораторияси собиқ раҳбари, вирусолог Александр Чепурнов «Ura.ru» сайтига берган интервьюсида коронавирус пандемияси шароитида бир ёки икки йил давомида турли чекловлар билан яшашга тўғри келиши ҳақида гапириб берди.
«Вакциналардан тўғри фойдаланишни ўрганмас эканмиз, шахсий чекловлар шароитида яна бир ёки икки йил яшашимизга тўғри келади. Олтин ўрталикни топиш ва тиббиёт ходимларининг юкламаларини камайтириш зарур», — деган Чепурнов.
Вирусологнинг фикрича, қатъий карантин чораларини қайтариш мамлакат иқтисодиётига зарар келтириши мумкин.
Россияда бир ой ичида коронавирус билан касалланганлар сони яна орта бошлаган. Май ойидан бери 10 мингтадан ортиқ касалланиш ҳолатлари қайд этилган.
Ҳукумат ва экспертларнинг вазиятга муносабати анча ижобий. Гамалея номидаги эпидемиология ва микробиология миллий тадқиқот маркази вирусологи Анатолий Альтштейннинг айтишича, Россиядаги иккинчи тўлқин биринчисига нисбатан кучсизроқ кечади. Москва шаҳри мэри Сергей Собянин ҳудуддаги коронавирус билан боғлиқ вазият барқарорлашаётганини билдирган. Бироқ 4 октябрь ҳолатига кўра, Москвада охирги бир сутка ичида 3327 кишида COVID-19 коронавирус инфекцияси борлиги аниқланган.
Изоҳ (0)