Футбол бўйича Германия чемпионатининг 3-турида «Бавария» 4 октябрь, якшанба куни «Ҳерта» билан баҳс юритди.
Учрашувда ҳисоб 40-дақиқага келиб очилди: Роберт Левандовски ўзининг аниқ зарбаси билан мюнхенликларнинг дастлабки голини урди. иккинчи бўлим дебютида полшалик ҳужумчи дублни расмийлаштирди. Бироқ берлинликлар Жон Кордоба ва Матеус Кунянинг голлари эвазига ҳисобни тенглаштиришга эришди.
85-дақиқада Левандовски учинчи голини урди, орадан уч дақиқа ўтиб Жессик Нганкам яна мувозанатни тиклади. Ҳакам томонидан қўшиб берилган вақтда Роберт пенальтини голга айлантирган ҳолда якуний ҳисобни ўрнатди — 4:3.
Ғалабадан кейин очколарини 6 тага етказиб олган «Бавария» мусобақа жадвалида 4-ўринга кўтарилди.
Бундеслига
3-тур баҳси
4 октябрь, якшанба
«Бавария» — «Ҳерта» 4:3
Голлар: 1:0 – 40 Левандовски, 2:0 – 51 Левандовски, 2:1 – 59 Кордоба, 2:2 – 71 Матеус Куня, 3:2 – 85 Левандовски, 3:3 – 88 Нганкам, 4:3 – 90+3, пенальти Левандовски.«Бавария»: Нойер, Люка Эрнандес (Мусиала, 65), Боатенг, Алаба, Дэвис (Зюле, 89), Мюллер, Горетцка, Гнабри (Хави Мартинес, 90), Киммих (Толиссо, 65), Ричардс (Павар, 65), Левандовски.
«Ҳерта»: Шволов, Миттельштедт, Штарк, Пекарик, Боята, Дарида, Тузар, Лукебакио (Нганкам, 87), Зефейк (Пионтек, 68), Матеус Куня, Кордоба.
Огоҳлантиришлар: Кордоба (13), Люка Эрнандес (58), Пионтек (84), Гнабри (85), Миттельштедт (90), Левандовски (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)