Futbol bo‘yicha Fransiya chempionatining 6-turida PSJ 2-oktabr, juma kuni “Anje”ga qarshi bahs olib bordi.
Uchrashuvning 7-daqiqasidayoq Alessandro Florensi parijliklarning dastlabki golini urdi. 36-daqiqada Neymar jamoasining ikkinchi golini urgan bo‘lsa, ikkinchi bo‘lim debyutida braziliyalik forvard dublini nishonlab, hisobni yirik ko‘rinishga keltirdi.
52-daqiqada Ismael Traore mehmonlarning yagona javob to‘pini kiritishga erishdi. O‘yin yakuniga qadar Yulian Draksler, Idrissa Guye va Kilian Mbappe o‘z hisobiga gol yozdirib qo‘yishga erishdi.
Mazkur g‘alabadan keyin ochkolarini 12 taga yetkazib olgan PSJ musobaqa jadvalida ikkinchi o‘ringa ko‘tarildi. Jamoa keyingi turda “Nim” maydoniga safar qiladi.
Liga 1
6-tur bahsi
2-oktabr, juma
PSJ — “Anje” 6:1
Gollar: 1:0 – 7 Florensi, 2:0 – 36 Neymar, 3:0 – 47 Neymar, 3:1 – 52 Traore, 4:1 – 57 Draksler, 5:1 – 71 Guye, 6:1 – 84 Mbappe.PSJ: Navas, Florensi (Dagba, 72), Bakker, Markinyos, Kimpembe (Diallo, 72), Draksler (Guye, 64), Verratti (Sarabiya, 82), Paredes (Errera, 64), Neymar, Ikardi, Mbappe.
“Anje”: Bernardoni, Bamba (Manko, 77), Traore, Ait-Nuri (Cho, 82), Eboss, Fyuljeni, Kapel (Mangani, 77), Tiub (Kabo, 68), Kulibali, Pavlovich, Baoken (Dyoni, 68).
Ogohlantirishlar: Baoken (30), Kimpembe (33), Kabo (73).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)