Futbol bo‘yicha Coca-Cola Superliganing 18-turida “Nasaf” 2-oktabr, juma kuni “Mash’al” jamoasini qabul qildi.
Uchrashuvning 2-daqiqasida qarshiliklar futbolchisi Umar Eshmurodov o‘z darvozasini ishg‘ol qilib qo‘ydi. Oradan ko‘p o‘tmay maydon egalari penalti tepish huquqiga ega bo‘ldi. 11 metrlik jarima zarbasini Islom Kenjaboyev golga aylantirdi.
Birinchi bo‘limning so‘nggi daqiqalarida Husayn Norchayev “Nasaf”ni oldinga olib chiqdi. Ikkinchi bo‘limda “ajdarlar” yana ikki bor raqib darvozasiga yo‘l topa oldi.
53-daqiqada Bobur Abduxoliqov jamoasining uchinchi golini urdi, oradan yetti daqiqa o‘tib Bobur dublni rasmiylashtirishi mumkin edi. Biroq futbolchi penaltidan unumli foydalana olmadi. 71-daqiqada Abduxoliqov o‘z maqsadiga yetdi va hisobni yirik ko‘rinishga olib keldi.
Mazkur g‘alabadan keyin “Nasaf”ning ochkolari 36 taga yetdi va jamoa 3-o‘rinda bormoqda. “Mash’al” (19) esa 10-pog‘onaga joylashgan.
Coca-Cola Superliga
18-tur bahsi
2-oktabr, juma
“Nasaf” — “Mash’al” 4:1
Gollar: 0:1 – 2, avtogol Eshmurodov, 1:1 – 10, penalti Kenjaboyev, 2:1 – 42 Norchayev, 3:1 – 52 Abduxoliqov, 4:1 – 71 Abduxoliqov.“Nasaf”: Abduvohid Ne’matov, G‘olib G‘aybullayev, Dilshod Saitov, Bobur Abduxoliqov, Sharof Muhitdinov, Husayin Norchayev (Dilshod Rahmatullayev, 69), Islom Kenjaboyev, Akmal Mozgovoy (Abubakrizo Turdaliyev, 88), Sherzod Nasrullayev (Shohmalik Komilov, 81), Marko Stanoyevich (Murodbek Xo‘jamberdiyev, 81), Umar Eshmurodov.
“Mash’al”: Rahimjon Davronov, Najmiddin Normurodov, Ifeani Ifeani, Sherzod Temirov (Sardorbek Eminov, 65), Ella Ken Arman (Nikita Pavlenko, 46), Jamoliddin Ubaydulloyev, Abbos Shodmonov, Sardor Abduraimov (Jahongir Abdusalomov, 85), Sirojiddin Qo‘ziyev (Sirojiddin Rahmatullayev, 65), Samandar Shukurillayev (Mo‘min Meliyev, 65), Denis Vasilev.
Ogohlantirishlar: Temirov (26), Shukurillayev (61), G‘aybullayev (85).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)