Футбол бўйича Франция чемпионатининг 6-турида ПСЖ 2 октябрь, жума куни «Анже»га қарши баҳс олиб борди.
Учрашувнинг 7-дақиқасидаёқ Алессандро Флоренци парижликларнинг дастлабки голини урди. 36-дақиқада Неймар жамоасининг иккинчи голини урган бўлса, иккинчи бўлим дебютида бразилиялик форвард дублини нишонлаб, ҳисобни йирик кўринишга келтирди.
52-дақиқада Исмаэл Траоре меҳмонларнинг ягона жавоб тўпини киритишга эришди. Ўйин якунига қадар Юлиан Дракслер, Идрисса Гуйе ва Килиан Мбаппе ўз ҳисобига гол ёздириб қўйишга эришди.
Мазкур ғалабадан кейин очколарини 12 тага етказиб олган ПСЖ мусобақа жадвалида иккинчи ўринга кўтарилди. Жамоа кейинги турда «Ним» майдонига сафар қилади.
Лига 1
6-тур баҳси
2 октябрь, жума
ПСЖ — «Анже» 6:1
Голлар: 1:0 – 7 Флоренци, 2:0 – 36 Неймар, 3:0 – 47 Неймар, 3:1 – 52 Траоре, 4:1 – 57 Дракслер, 5:1 – 71 Гуйе, 6:1 – 84 Мбаппе.ПСЖ: Навас, Флоренци (Дагба, 72), Баккер, Маркиньос, Кимпембе (Диалло, 72), Дракслер (Гуйе, 64), Верратти (Сарабия, 82), Паредес (Эррера, 64), Неймар, Икарди, Мбаппе.
«Анже»: Бернардони, Бамба (Манко, 77), Траоре, Аит-Нури (Чо, 82), Эбосс, Фюлжени, Капель (Мангани, 77), Тиуб (Кабо, 68), Кулибали, Павлович, Баокен (Дьони, 68).
Огоҳлантиришлар: Баокен (30), Кимпембе (33), Кабо (73).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)