Aleksey Navalniy “Muxolifatchi AQSH Markaziy razvedka boshqarmasi mutaxassislari bilan ishlaydi” degan gaplari uchun Rossiya prezidenti matbuot kotibi Dmitriy Peskovni sudga berishini ma’lum qildi, deb xabar bermoqda Meduza.
“Markaziy razvedka boshqarmasi mutaxassislari bilan ishlashga ishora qiluvchi isbot va dalillarni e’lon qilishni talab qilaman. Televizorda to‘g‘ridan to‘g‘ri, praym-taymda ko‘rsating. Ruxsat beraman.
Agar Peskov gapirayotgan davlat organlarida u aytayotgan safsataning dalillari bo‘lsa, demak, bu Rossiya davlat xavfsizligi masalasidir”, — deb yozgan siyosatchi o‘zining saytida.
Eslatib o‘tamiz, 1-oktabr kuni Rossiyalik siyosatchi Aleksey Navalniy Germaniyaning Der Spiegel nashriga bergan intervyusida o‘zining zaharlanishi ortida shaxsan prezident Vladimir Putin turibdi, deb aytgandi. Uning bu gapiga munosabatda Rossiya prezidenti matbuot kotibi Dmitriy Peskov Navalniyni Markaziy razvedka boshqarmasi instruktorlari bilan hamkorlikda ayblagan.
Izoh (0)