“O‘zbekkino” milliy agentligi hamda “Hujjatli va xronikal filmlar” DUK tomonidan “Mahalladoshlar” nomli 25 qismdan iborat serial yaratiladi. Bu haqda agentlik matbuot xizmati xabar berdi.
Mazkur serialda O‘zbekiston Prezidenti Shavkat Mirziyoyevning “Jamiyatda ijtimoiy-ma’naviy muhitni sog‘lomlashtirish, mahalla institutini yanada qo‘llab-quvvatlash hamda oila va xotin-qizlar bilan ishlash tizimi bilan bog‘liq Farmoni ijrosini ta’minlash yuzasidan o‘zbek mahallalari hamda oila va xotin-qizlar masalalari yoritiladi.
Ssenariy muallifi Shoyim Bo‘tayev, postanovkachi rejissor Sanjar Babayev, postanovkachi operator Sardor Anvarov, postanovkachi rassom Isobek Egamberdiyev.
Hozirda serialning rejissorlik ssenariysi ustida ish olib borilib, aktyorlarni saralash jarayoni ketmoqda. Serialning tugallanish muddati 2021-yilning birinchi qismida mo‘ljallangan.
Izoh (0)