«Ўзбеккино» миллий агентлиги ҳамда «Ҳужжатли ва хроникал фильмлар» ДУК томонидан «Маҳалладошлар» номли 25 қисмдан иборат сериал яратилади. Бу ҳақда агентлик матбуот хизмати хабар берди.
Мазкур сериалда Ўзбекистон Президенти Шавкат Мирзиёевнинг «Жамиятда ижтимоий-маънавий муҳитни соғломлаштириш, маҳалла институтини янада қўллаб-қувватлаш ҳамда оила ва хотин-қизлар билан ишлаш тизими билан боғлиқ Фармони ижросини таъминлаш юзасидан ўзбек маҳаллалари ҳамда оила ва хотин-қизлар масалалари ёритилади.
Сценарий муаллифи Шойим Бўтаев, постановкачи режиссёр Санжар Бабаев, постановкачи оператор Сардор Анваров, постановкачи рассом Исобек Эгамбердиев.
Ҳозирда сериалнинг режиссёрлик сценарийси устида иш олиб борилиб, актёрларни саралаш жараёни кетмоқда. Сериалнинг тугалланиш муддати 2021 йилнинг биринчи қисмида мўлжалланган.
Изоҳ (0)