Yosh ko‘rinish uchun salomatlik, soch turmagi va imij yaratishda kiyinish uslubiga ham e’tibor berish kerak. Qo‘shimcha aksessuar va ranglarning to‘g‘ri tanlanishi ham ayollarning yoshiga nisbatan katta yoki aksincha yosh ko‘rinishiga sabab bo‘ladi. Quyida 50 yoshdan oshgan ayollarni yosh ko‘rsatadigan liboslar haqida ma’lumot beriladi.
Oversayz ko‘ylak
Oversayz ko‘ylak bilan istalgan obrazni yaratish va minimal ko‘rinishga ega bo‘lish hamda uni kundalik yoki bayram kunlari ham kiyish mumkin bo‘ladi.
Yoshi kattaroq bo‘lgan ayollar uchun bir rangdagi yoki gulli, naqshli variantlar — eng a’lo variant.
Assimetrik bichim va sifatli matodan tikilgan ko‘ylak bazaviy garderob uchun ayni muddao.
Jinsi
Jinsi shim yoki pidjak ayollar garderobida muhim ahamiyatga ega bo‘lgan kiyimlardan biri hisoblanadi.
U orqali qomatni aks ettirish, kamchiliklarni yashirish mumkin. Bel qismi yuqori, to‘g‘ri bichimli minimal uslubdagi jinsi shim yosh ko‘rsatish xususiyatiga ega.
Oq keta
Oq rangli ketani romantik, sport yoki kejual obrazlar bilan ham moslasa bo‘ladi. Mazkur poyabzal obrazni qiziqarli, zamonaviy va didli ko‘rsatadi.
Uzun bleyzer
Yoshi kattaroq bo‘lgan ayollar garderobida bo‘lishi kerak bo‘lgan kiyimlardan yana biri bleyzer sanaladi.
Uning dolzarb rangdagi, qo‘shimcha printlari bor variantlari bilan hech ikkilanmay kuzgi, qishki va hatto bahorgi obrazlarni esda qolarli qilish mumkin.
Izoh (0)