Ёш кўриниш учун саломатлик, соч турмаги ва имиж яратишда кийиниш услубига ҳам эътибор бериш керак. Қўшимча аксессуар ва рангларнинг тўғри танланиши ҳам аёлларнинг ёшига нисбатан катта ёки аксинча ёш кўринишига сабаб бўлади. Қуйида 50 ёшдан ошган аёлларни ёш кўрсатадиган либослар ҳақида маълумот берилади.
Оверсайз кўйлак
Оверсайз кўйлак билан исталган образни яратиш ва минимал кўринишга эга бўлиш ҳамда уни кундалик ёки байрам кунлари ҳам кийиш мумкин бўлади.
Ёши каттароқ бўлган аёллар учун бир рангдаги ёки гулли, нақшли вариантлар — энг аъло вариант.
Ассиметрик бичим ва сифатли матодан тикилган кўйлак базавий гардероб учун айни муддао.
Жинси
Жинси шим ёки пиджак аёллар гардеробида муҳим аҳамиятга эга бўлган кийимлардан бири ҳисобланади.
У орқали қоматни акс эттириш, камчиликларни яшириш мумкин. Бел қисми юқори, тўғри бичимли минимал услубдаги жинси шим ёш кўрсатиш хусусиятига эга.
Оқ кета
Оқ рангли кетани романтик, спорт ёки кежуал образлар билан ҳам мосласа бўлади. Мазкур пойабзал образни қизиқарли, замонавий ва дидли кўрсатади.
Узун блейзер
Ёши каттароқ бўлган аёллар гардеробида бўлиши керак бўлган кийимлардан яна бири блейзер саналади.
Унинг долзарб рангдаги, қўшимча принтлари бор вариантлари билан ҳеч иккиланмай кузги, қишки ва ҳатто баҳорги образларни эсда қоларли қилиш мумкин.
Изоҳ (0)