Sovuq kunlar uchun ustki kiyim olishda uning issiqligi va qulayligi shu bilan birga ko‘rinishiga ham e’tibor berish kerak. Nima tanlashni bilmayotgan ayol va qizlarga quyidagi modellarga pul sarflamaslik tavsiya qilinadi.
Qavilgan yupqa kurtka
Ko‘rinishi kapalak qurtini esga soladigan kurtka sizni yanada to‘lacha ko‘rsatadi. Bunday modelda yelkalar, tos suyagi aslidan kengroq ko‘rinadi. Yaxshisi keng bichimli qavilgan kurtka modeliga e’tiboringizni qarating.
Ko‘ylak bichimli kurtka
Ko‘ylak va kurtka boshqa-boshqa kiyim va ularni birlashtirishning hojati yo‘q. Agar siz ayollarga xos latofatli ko‘rsatadigan ustki kiyim kiyishni istasangiz unda “zapax” bichimli uzun paltoga e’tiboringizni qarating.
Qopni esga soladigan kurtka
Chiqindilar solinadigan qora paketga o‘xshash matodan tikilgan kurtka, istalgan obrazni xunuk ko‘rinishiga sababchi bo‘lishi mumkin.
Hoshiyalariga mo‘yna tikilgan kurtka
Ko‘pgina ayol qizlar kurtkada mo‘yna bo‘lsa, obraz qimmatroq ko‘rinadi deb o‘ylaydi va xato qiladi. Chunki bunday modellar arzon va didsiz ko‘rinadi. Qolaversa, mazkur qalin bezak egasini semizroq ko‘rinishiga sababchi bo‘ladi.
Yaltiroq kurtka
Yaltiroq kislota rangidagi kurtkalar o‘tmishda qoldi. Bunday e’tiborni majburlab jalb qiladigan modellarni garderobga qo‘shish tavsiya qilinmaydi.
Rezinka belbog‘li kurtkalar
Obrazingizni didsiz ko‘rinishiga sababchi bo‘ladigan yana bir model — rezinka belbog‘li kurtkalar hisoblanadi. Agar sizni ustki kiyimda bel qismiga urg‘u bergingiz kelsa, unda tanlov borasida belbog‘li modellarda to‘xtalish maslahat beriladi.
Charm kurtkaning yopishib turadigan modeli
Qaddi-qomatga urg‘u beradigan mazkur model bundan 10 yil avval urfda bo‘lgan, ammo hozir emas. Bugungi kunda dizaynerlar bichim borasida asosiy e’tiborni qulaylikka qaratgan. Agar charm kurtka bilan obrazingiz zamonaviy ko‘rinishini istasangiz kengroq va oversize bichimga e’tiboringizni qarating.
Izoh (0)