Hujumchi Luis Suares “Atletiko”dagi debyut o‘yinini “Granada”ga qarshi (6:1) o‘tkazdi.
Urugvaylik futbolchi uchrashuvdan zaxiradan maydonga tushib, dubl qayd etdi va golli uzatma amalga oshirdi.
Suares “Atletiko”dagi debyut o‘yinida ikkita gol urgan ilk futbolchi bo‘ldi. Shuningdek, Luis madridliklar safidagi debyut bahsida gol urgan va samarali uzatma amalga oshirgan XXI asrdagi birinchi futbolchi bo‘ldi.
Bundan tashqari, 33 yoshli futbolchi “Atletiko”dagi birinchi o‘yinida dubl qayd etgan ilk “Barselona” sobiq futbolchisiga aylandi.
Suares yozgi transfer oynasida “Barselona” bilan amaldagi shartnomasini bekor qilib, madridliklar safiga kelib qo‘shilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)