“Benfika” markaziy himoyachisi Ruben Diash faoliyatini “Manchester Siti”da davom ettiradi.
Lissabonliklar klubi 23 yoshli futbolchining ingliz klubiga transfer qilinganini e’lon qildi.
“Manchester Siti” Diash transferi uchun 68 million yevro sarflagan. Shuningdek, futbolchining muvaffaqiyatli ishtirokiga qarab 3,6 million miqdoridagi bonus pullari nazarda tutilgan.
Qarama qarshi yo‘nalishda “shaharliklar” himoyachisi Nikolas Otamendi “Benfika” safiga o‘tgan. “Burgutlar” 32 yoshli argentinalik futbolchi uchun 15 million yevro to‘lagan.
Diash 2019/20-yilgi mavsum Portugaliya chempionatida 33 o‘yinda ishtirok etib, ikki gol va uchta golli uzatmaga muallif bo‘ldi. Otamendi esa Premyer Ligadagi 22 o‘yinda ikkita gol urishga erishdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)