Qashqadaryo viloyat IIB Yo‘l harakati xavfsizligi boshqarmasi tashabbusi bilan YPX inspektorlari juma namoziga shoshayotgan otaxonlarga xizmat ko‘rsatdi. Bu haqda “Daryo”ga viloyat IIB YHXB axborot xizmati rahbari Javlon Baxtiyev xabar berdi.
Ta’kidlanishicha, bugun 25-sentabr juma kuni viloyatning mavjud tuman va shaharlarida faoliyat yuritayotgan YPX inspektorlari shunday xayrli ishga qo‘l urgan.
“Avvaliga formali kishilarni ko‘rib hayron bo‘ldim. Keyin namozga shoshayotgan bo‘lsangiz, masjidga oborib qo‘yamiz deyishgach, to‘g‘risi, juda xursand bo‘ldim. Shunday xodimlarning otasiga ming rahmat”, — deydi yo‘lovchi otaxonlardan biri.
YPX inspektorlari, shuningdek, namozga kirayotgan yo‘lovchilarga tibbiyot niqobi va suv ham tarqatgan.
Izoh (0)