Қашқадарёда ЙПХ инспекторлари ва Эзгулик патрули намозга шошаётган отахонларга хизмат кўрсатди (фото)

Қашқадарё вилоят ИИБ Йўл ҳаракати хавфсизлиги бошқармаси ташаббуси билан ЙПХ инспекторлари жума намозига шошаётган отахонларга хизмат кўрсатди. Бу ҳақда «Дарё»га вилоят ИИБ ЙҲХБ ахборот хизмати раҳбари Жавлон Бахтиев хабар берди.

Таъкидланишича, бугун 25 сентябрь жума куни вилоятнинг мавжуд туман ва шаҳарларида фаолият юритаётган ЙПХ инспекторлари шундай хайрли ишга қўл урган.

«Аввалига формали кишиларни кўриб ҳайрон бўлдим. Кейин намозга шошаётган бўлсангиз, масжидга обориб қўямиз дейишгач, тўғриси, жуда хурсанд бўлдим. Шундай ходимларнинг отасига минг раҳмат», — дейди йўловчи отахонлардан бири.

ЙПХ инспекторлари, шунингдек, намозга кираётган йўловчиларга тиббиёт ниқоби ва сув ҳам тарқатган.