Yunusobod tumanida M.E. ismli ayolning qimmatbaho taqinchog‘ini sotib berishni va’da qilib, olib ketgan va pulni ham, brilliant zebi-ziynatlarni ham qaytarmagan opa-singilga nisbatan jinoiy ish qo‘zg‘atildi. Bu haqda Toshkent shahar ichki ishlar bosh boshqarmasi xabar berdi.
Toshkent shahri Yunusobod tumani ichki ishlar organlariga 57 yoshli M.E. murojaat qilib, 2019-yilning 5-avgustidan 13-sentabrigacha opa-singil 31 yoshli D.X. va 28 yoshli I.X. unga qiymati 44 ming AQSh dollari bo‘lgan brilliant taqinchoqlarini qimmat narxga sotib berishni va’da qilgan.
M.E. ularga ishongan va taqinchoqlarni berib yuborgan. Biroq pullarni ham, taqinchoqlarni ham qaytarib ololmagan. Shundan keyin huquqni muhofaza qiluvchi organlarga murojaat qilgan.
Mazkur fakt asosida Jinoyat kodeksining 168-moddasi (firibgarlik) bo‘yicha jinoiy ish qo‘zg‘atilib, firibgarlikda gumonlanuvchi opa-singil qo‘lga olindi.
Izoh (0)