Futbol bo‘yicha UEFA Millatlar Ligasining 1-turidan o‘rin olgan 5-sentabr kungi bir qator o‘yinlar yakunlandi.
Angliya terma jamoasi Islandiya maydonida mehmon bo‘ldi. Uchrashuv inglizlarning ustunligida o‘tgan bo‘lsa-da, Angliya raqib darvozasi tomon yo‘l topishda qiynaldi. Buning ustiga 70-daqiqada “uch sherlar” Kayl Uokerning chetlatilishidan keyin bir o‘yinchi kam bo‘lib qoldi.
Barchasi durang tomon ketayotgan bir vaqtda islandiyaliklar himoyachisi o‘z jarima maydonida qo‘li bilan harakat qildi. Natijada belgilangan penaltini Rahim Sterling golga aylantirib, jamoasining g‘alabasini ta’minladi.
Parallel kechgan bahslarda Armaniston terma jamoasi Shimoliy Makedoniyaga imkoniyatni boy bergan bo‘lsa, Ozarbayjon o‘z uyida Lyuksemburgga yutqazib qo‘ydi.
UEFA Millatlar Ligasi
1-tur bahslari
5-sentabr, shanba
Islandiya — Angliya 0:1
Gol: 0:1 – 90+1, penalti Sterling.Islandiya: Xalldoursson, Xermannsson, Arnason, Magnusson, Ingason, Byarnason, Traustason (Xadlvredsson, 76), Torsteynsson (Sigurdsson, 66), Paulsson, Gudmundsson, Bedvarsson (Fridyonsson, 90).
Angliya: Pikford, Gomes, Trippyer, Uoker, Dayer, Sancho (Aleksander-Arnold, 73), Rays, Foden (Ingz, 68), Uord-Prouz, Sterling, Keyn (Grinvud, 78).
Ogohlantirishlar: Uoker (33), Ingason (42), Gomes (90).
Chetlatishlar: Uoker (70), Ingason (89).
Gibraltar — San-Marino 1:0
Gol: 1:0 – 42 Torilla.Shimoliy Makedoniya — Armaniston 2:1
Gollar: 1:0 – 5, penalti Alioski, 2:0 – 38, penalti Nestorovski, 2:1 – 90, penalti Barsegyan.Ozarbayjon — Lyuksemburg 1:2
Gollar: 1:0 – 43 Sheydayev, 1:1 – 48 Barreyro, 1:2 – 72, penalti Rodrigesh.Estoniya — Gruziya 0:1
Gol: 0:1 – 32 Kacharava.Kipr — Chernogoriya 0:2
Gollar: 0:1 – 60 Yovetich, 0:2 – 73 Yovetich.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)