“Barselona” hujumchisi Ansu Fati Ispaniya terma jamoasining so‘nggi 84 yil ichidagi eng yosh futbolchisiga aylandi, deya xabar qilmoqda Gracenote Live.
UEFA Millatlar Ligasi 1-turi doirasida Germaniyaga qarshi kechgan o‘yinda Ispaniya terma jamoasidagi debyutini nishonlagan futbolchi 17 yosh-u 308 kunlik hisoblanadi. U terma jamoaning 84 yil ichidagi eng yosh debyutantiga aylandi.
Ispaniya terma jamoasi tarixida faqatgina ikki nafar futbolchi undan yosh hisoblanadi — Pedro Regeyro (17 yosh-u 161 kunli, 1927-yil) va Anxel Zubiyeta (17 yosh-u 282 kunlik, 1936-yil).
Ortda qolgan mavsumda Fati “Barselona” safida 33 ta o‘yin o‘tkazib, 8 gol va bitta golli uzatma muallifiga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)