«Барселона» ҳужумчиси Ансу Фати Испания терма жамоасининг сўнгги 84 йил ичидаги энг ёш футболчисига айланди, дея хабар қилмоқда Gracenote Live.
УЕФА Миллатлар Лигаси 1-тури доирасида Германияга қарши кечган ўйинда Испания терма жамоасидаги дебютини нишонлаган футболчи 17 ёш-у 308 кунлик ҳисобланади. У терма жамоанинг 84 йил ичидаги энг ёш дебютантига айланди.
Испания терма жамоаси тарихида фақатгина икки нафар футболчи ундан ёш ҳисобланади — Педро Регейро (17 ёш-у 161 кунли, 1927 йил) ва Анхель Зубиета (17 ёш-у 282 кунлик, 1936 йил).
Ортда қолган мавсумда Фати «Барселона» сафида 33 та ўйин ўтказиб, 8 гол ва битта голли узатма муаллифига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)