Amerikalik 35 yoshli xonanda Keti Perri va 43 yoshli aktyor Orlando Blum qiz farzandli bo‘ldi. Bu haqda Orlando Blum Instagram’dagi sahifasida ma’lum qildi.
Mart oyining boshida Perrining birinchi marta homilador ekani ma’lum bo‘lgandi. Xonanda bo‘lajak farzandi jinsi va u qachon dunyoga kelishi haqida ma’lumot berishni istamagan edi.
https://www.instagram.com/p/CEYSKzEpWzS/?utm_source=ig_embed
26-avgusti kuni, kechqurun Orlando Blum Instagram sahifasiga, qizalog‘i Deyzi Dovning ilk suratini yuklagan. Chaqaloq dunyoga kelishi munosabati bilan yulduzli juftlik YuNISEF bolalar jamg‘armasi bilan hamkorlikni boshlab yuborgan. Murojaatlarida hammada ham tug‘ish jarayoni oson kechavermasligini ta’kidlagan mashhurlar tibbiyot xodimlari yetishmasligi, har 11 daqiqada go‘dak yoki uni dunyoga keltirgan ona dunyodan o‘tishini ta’kidlagan. Qizining dunyoga kelgani bilan tabriklashni istaganlardan esa bolalar fondiga xayriya qilishni so‘ragan.
Izoh (0)