Америкалик 35 ёшли хонанда Кэти Перри ва 43 ёшли актёр Орландо Блум қиз фарзандли бўлди. Бу ҳақда Орландо Блум Instagram’даги саҳифасида маълум қилди.
Март ойининг бошида Перрининг биринчи марта ҳомиладор экани маълум бўлганди. Хонанда бўлажак фарзанди жинси ва у қачон дунёга келиши ҳақида маълумот беришни истамаган эди.
https://www.instagram.com/p/CEYSKzEpWzS/?utm_source=ig_embed
26 августи куни, кечқурун Орландо Блум Instagram саҳифасига, қизалоғи Дейзи Довнинг илк суратини юклаган. Чақалоқ дунёга келиши муносабати билан юлдузли жуфтлик ЮНИСЕФ болалар жамғармаси билан ҳамкорликни бошлаб юборган. Мурожаатларида ҳаммада ҳам туғиш жараёни осон кечавермаслигини таъкидлаган машҳурлар тиббиёт ходимлари етишмаслиги, ҳар 11 дақиқада гўдак ёки уни дунёга келтирган она дунёдан ўтишини таъкидлаган. Қизининг дунёга келгани билан табриклашни истаганлардан эса болалар фондига хайрия қилишни сўраган.
Изоҳ (0)