Farg‘ona viloyatida Damas va Labo o‘rtasida sodir bo‘lgan yo‘l-transport hodisasi oqibatida bir kishi halok bo‘ldi. Bu haqda viloyati IIB axborot xizmati xabar berdi.
Ma’lumotlarga ko‘ra, 18-avgust kuni fuqaro A.A. boshqaruvidagi Damas rusumli avtomashina Bog‘dod tumani Qo‘rg‘oncha qishlog‘i hududida qarama-qarshi yo‘nalishda harakatlanib kelayotgan O.K. boshqaruvidagi Labo rusumli avtomashinasi bilan to‘qnashib ketgan. Ko‘ngilsiz hodisa oqibatida Labo haydovchisi O.K. og‘ir tan jarohati olib, shifoxonada vafot etgan.
Shuningdek, Labo yo‘lovchisi O.L. va Damas rusumli avtomashina haydovchisi A.A. tan jarohati bilan shifoxonaga yotqizilgan.
Mazkur holat yuzasidan Bog‘dod tumani IIB huzuridagi tergov bo‘linmasi tomonidan Jinoyat kodeksining 266-moddasi 2-qismi (transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilib, hozirda tergov harakatlari olib borilmoqda.
Avvalroq Farg‘onada Damas hamda mototsikl ishtirokida YTH yuz bergani va fojia oqibatida mototsikl haydovchisi shifoxonada vafot etgani to‘g‘risida xabar berilgandi.
Mavzuga doir:
- Namanganda “ZIL” va Nexia to‘qnashuvi natijasida bir kishi vafot etdi
- Toshkentda Labo reklama ustuniga urilishi oqibatida mashina ichidagi yo‘lovchi halok bo‘ldi. Haydovchi shifoxonaga yotqizilgan
- “O‘zbekistonda YTH oqibatida vafot etganlar soni qotillik qurbonlaridan besh barobarga ko‘p” — IIV vaziri
Izoh (0)