BMTning Livan bo‘yicha maxsus tribunali “Hizbulloh” siyosiy va terrorchilik tashkiloti a’zosi Selim Ayyashni 2005-yilda mamlakat sobiq bosh vaziri Rafiq Haririyning o‘ldirilishi ishida aybdor deb topdi. Bu haqda Reuters xabar berdi.
Ayyash qayerda hibsda saqlanayotgani noaniqligi sabab u sudga kelmagan.
Rafiq Haririy 1992—1998-yillar hamda 2000—2004-yillar oralig‘ida Livan bosh vaziri bo‘lgan. U sunniy bo‘lgan va Fors ko‘rfazi monarxlari bilan yaqinlashish tarafini yoqlagan — bu esa “Hizbulloh” shialari va Suriya hukumatiga yoqmagan.
Haririyning o‘ldirilishi Livanda keng ko‘lamli siyosiy va ijtimoiy inqirozni keltirib chiqargan. Shuningdek, Haririydan so‘ng Suriya o‘z qo‘shinlarini mamlakatdan olib chiqib ketishga majbur bo‘lgan. “Hizbulloh” rahbariyati hamda Suriya hukumati doim Haririyning o‘ldirilishiga oid guruhga aloqadorligini rad etib kelgan.
Qotillik bo‘yicha BMT shafeligidagi tergov 2006-yilda boshlangan, 2009-yilda esa Gaagada maxsus tribunal ishni boshlagan. Tergov ishi jami bir milliard dollarga tushgan; ushbu pullarning, taxminan, yarmini Livan to‘lagan.
Eslatib o‘tamiz, 2017-yilda Livan bosh vaziri Saad Haririy (Rafiq Haririy) ham iste’foga chiqishini e’lon qilgan va mamlakat hududini tark etgandi. Keyinchalik ushbu bayonotni Saudiya Arabistoni bosimi ostida berganligini ta’kidlab, Livanga qaytgan hamda uning iste’fosi bekor bo‘lgandi. 2019-yilda esa u mamlakat prezidenti Mishel Aunga hukumatni iste’foga chiqarish bo‘yicha rasmiy so‘rov yuborgandi.
Izoh (0)