O‘zbekiston Prezidentining “2021—2022-yillarda O‘zbekiston sun’iy intellektni rivojlantirish strategiyasini tasdiqlash to‘g‘risida”gi farmoni loyihasi e’lon qilindi.
Qarorda, 2021–2022-yillarda O‘zbekistonda sun’iy intellektni rivojlantirish strategiyasini amalga oshirish bo‘yicha amaliy chora-tadbirlar rejasi ochiqlandi.
Rejaga ko‘ra, Muhammad al-Xorazmiy nomidagi Toshkent axborot texnologiyalari universiteti qoshida Artificial Intellegence and Data Science ilmiy-tadqiqot institutini tashkil etish mo‘ljallanmoqda.
Bunda:
- Artificial Intellegence and Data Science ilmiy-tadqiqot institutini tashkil etish qaror loyihasini ishlab chiqish;
- qarorda ilmiy-tadqiqot faoliyatining mashinaviy o‘rganish (Deep learning, Neural network), kompyuter yordamida ko‘rish (Computer vision) va ma’lumotlar tahlilchisi (Data analyst) yo‘nalishlarini doktorant va mustaqil tadqiqotchilarni tayyorlash uchun qo‘shimcha kvotalar ajratishni belgilash;
- qaror loyihasini Vazirlar Mahkamasiga kiritish nazarda tutilgan.
Sun’iy intellekt sohalarida normativ-huquqiy va axloqiy munosabatlarni tartibga solish masalalarini Qonunchilik palatasi tarkibidagi Innovatsion rivojlanish, axborot siyosati va axborot texnologiyalari masalalari qo‘mitasining faoliyatlari tartibidan biri etib belgilash tavsiya etiladi.
Sun’iy intellekt sohasidagi startap loyihalarini jahon tajribasi asosida kraudfanding (jamoaviy moliyalashtirish) tizimi orqali moliyalashtirishning normativ-huquqiy asoslarini ishlab chiqiladi.
Umumta’lim maktablarida “Axborotlashgan jamiyat va unda sun’iy intellekt o‘rni” mavzusida ochiq darslar tashkil etish rejalashtirilgan.
Izoh (0)