Ўзбекистон Президентининг «2021—2022 йилларда Ўзбекистон сунъий интеллектни ривожлантириш стратегиясини тасдиқлаш тўғрисида»ги фармони лойиҳаси эълон қилинди.
Қарорда, 2021–2022 йилларда Ўзбекистонда сунъий интеллектни ривожлантириш стратегиясини амалга ошириш бўйича амалий чора-тадбирлар режаси очиқланди.
Режага кўра, Муҳаммад ал-Хоразмий номидаги Тошкент ахборот технологиялари университети қошида Artificial Intellegence and Data Science илмий-тадқиқот институтини ташкил этиш мўлжалланмоқда.
Бунда:
- Artificial Intellegence and Data Science илмий-тадқиқот институтини ташкил этиш қарор лойиҳасини ишлаб чиқиш;
- қарорда илмий-тадқиқот фаолиятининг машинавий ўрганиш (Deep learning, Neural network), компьютер ёрдамида кўриш (Computer vision) ва маълумотлар таҳлилчиси (Data analyst) йўналишларини докторант ва мустақил тадқиқотчиларни тайёрлаш учун қўшимча квоталар ажратишни белгилаш;
- қарор лойиҳасини Вазирлар Маҳкамасига киритиш назарда тутилган.
Сунъий интеллект соҳаларида норматив-ҳуқуқий ва ахлоқий муносабатларни тартибга солиш масалаларини Қонунчилик палатаси таркибидаги Инновацион ривожланиш, ахборот сиёсати ва ахборот технологиялари масалалари қўмитасининг фаолиятлари тартибидан бири этиб белгилаш тавсия этилади.
Сунъий интеллект соҳасидаги стартап лойиҳаларини жаҳон тажрибаси асосида краудфандинг (жамоавий молиялаштириш) тизими орқали молиялаштиришнинг норматив-ҳуқуқий асосларини ишлаб чиқилади.
Умумтаълим мактабларида «Ахборотлашган жамият ва унда сунъий интеллект ўрни» мавзусида очиқ дарслар ташкил этиш режалаштирилган.
Изоҳ (0)