Tungi klublar, pablar va barlar koronavirusning tarqalishi juda tez sodir bo‘ladigan eng xavfli maskanlar sirasiga kiradi. The Telegraph nashrida chop etilgan materialdagi ekspertlarning aksariyati shunday fikrni ilgari surgan.
Nottingem universitetining molekulyar biologiya bo‘yicha professori Jonatan Bollning aytishicha, ko‘pincha odamlar boshqalar bilan muloqot qilish uchun shunday joylarga boradi va ularda ijtimoiy masofalanish qoidasiga bo‘ysunish deyarli imkonsiz.
Lesterdagi Qirollik shifoxonasi virusologi Julian Tang ham alkogol mahsulotini ichgan odamlar turli me’yorlarni unutib, sarxush holatda nihoyatda erkin bo‘lib qolishini ta’kidlagan.
Shuningdek, nashrdagi maqolada Janubiy Koreyadagi “superyuqtirish” holati misol sifatida eslatilgan. Koronavirusga chalingan erkak bir kechada beshta bar va tungi klublarga borishi oqibatida 100 kishiga COVID-19 yuqtirgan. Ertasi kuni esa COVID-19’ni aniqlash bo‘yicha test topshirgan va unda koronavirus infeksiyasi borligi ma’lum bo‘lgan. Ushbu voqeadan keyin Seul meri shahardagi barlar va tungi klublarni yopish haqida qaror qabul qilgan.
Mavzuga doir:
- JSST koronavirusning oziq-ovqat orqali yuqishi to‘g‘risida ma’lumot berdi
- “Virusdan himoya”: immunitet, karantin va koronavirus infeksiyasiga chalinish xavfining bog‘liqligi haqida immunolog bilan suhbat
- O‘zbekistonda koronavirus yuqtirib olish darajasi bo‘yicha jamoat joylari va mashg‘ulotlar reytingi tuzildi
Izoh (0)