16-avgust kuni Rossiyaning E95 va M1 trassalari orqali Belarus chegarasi tomon “Rosgvardiya” mashinalariga o‘xshash, biroq raqam va ajratuvchi belgilarisiz o‘nlab “Ural” hamda “KamAZ” avtomobillari harakatlanayotgani qayd etildi. Bu haqda Facebook’dagi Conflict Intelligence Team sahifasida xabar berildi.
“Fontanka” obunachilarining ma’lum qilishicha, Peterburg va Pskov o‘rtasidagi yo‘l bo‘ylab 30-40 ga yaqin yuk avtomobillari hamda harbiy yo‘ltanlamaslar harakatlangan. Ma’lumotlarga ko‘ra, mashinalar ichida “kamida 600 nafar jangchi” bo‘lishi mumkin. G‘arbiy harbiy okrug qo‘shinlari qo‘mondonligi ushbu harbiy texnikalar okrugga tegishli emasligini bildirgan.
https://twitter.com/fontanka_news/status/1295040226893746177
Meduza nashri obunachilari ham Moskva—Minsk yo‘lida raqamlarsiz mashinalarga duch kelgan.
Avtomobillar tasvirlangan mazkur video bilan jurnalist Vasiliy Maksimov ham bo‘lishgan. Ma’lumotlarga ko‘ra, ushbu video Belarus chegarasidan 83 kilometr berida suratga olingan.
Сегодня под Питером в сторону Луги (и белорусской границы соответственно) были замечены колонны грузовиков без номеров и обозначений. А это прислал коллега уже из-под Смоленска. Он видел, что внутри люди в черной форме без опознавательных знаков в сторону РБ. pic.twitter.com/ULEtpmdFR9
— vasily_maximov (@maximov_vasily) August 16, 2020
“Mediazona” ham bir necha harbiy texnikalar harakatlanayotgan videoyozuvlar bilan bo‘lishgan. Roliklardan birida Moskva, ikkinchisida esa — M-1 trassasidagi holat tasvirlangan.
Avvalroq Belarus prezidentligiga o‘tkazilgan saylovlarida Aleksandr Lukashenkoga raqiblik qilgan Svetlana Tixanovskaya mamlakat fuqarolariga yangi videomurojaat yo‘llab, o‘zining milliy yetakchi bo‘lishga tayyorligini bildirgan edi.
Mavzuga doir:
Aleksandr Lukashenkodan tashqari, prezidentlikka nomzodlarning barchasi saylov natijalaridan noroziligini bildirib, mamlakat Markaziy saylov komissiyasiga shikoyat kiritgan.
Izoh (0)