Isroil zargarlari yuqori darajadagi himoyaga ega noyob, qimmatbaho tibbiy niqob yaratdi, deb yozadi The Times of Israel.
Yvel zargarlik firmasining dizayneri va egasi Isaak Levining aytishicha, niqob narxi, taxminan, 1,5 million dollarni tashkil etadi.
Niqob 18 qirotli oq oltindan qilingan va 3,6 ming qora va oq olmos bilan qoplangan. Og‘irligi 240 gramm bo‘lib, bu an’anaviy tibbiy niqob og‘irligidan 100 baravar ko‘p degani. Mahsulot N99 yuqori sifatli filtrlar bilan jihozlangan.
Bunday niqobni AQShda yashovchi xitoylik biznesmen Isroil zargariga buyurtma qilgan. Uning asosiy talablaridan biri bunday zargarlik durdonasi 2020-yilning oxirigacha tayyor bo‘lishi va u dunyodagi eng qimmat mahsulotga aylanishi kerak edi.
Izoh (0)