Исроил заргарлари юқори даражадаги ҳимояга эга ноёб, қимматбаҳо тиббий ниқоб яратди, деб ёзади The Times of Israel.
Yvel заргарлик фирмасининг дизайнери ва эгаси Исаак Левининг айтишича, ниқоб нархи, тахминан, 1,5 миллион долларни ташкил этади.
Ниқоб 18 қиротли оқ олтиндан қилинган ва 3,6 минг қора ва оқ олмос билан қопланган. Оғирлиги 240 грамм бўлиб, бу анъанавий тиббий ниқоб оғирлигидан 100 баравар кўп дегани. Маҳсулот N99 юқори сифатли фильтрлар билан жиҳозланган.
Бундай ниқобни АҚШда яшовчи хитойлик бизнесмен Исроил заргарига буюртма қилган. Унинг асосий талабларидан бири бундай заргарлик дурдонаси 2020 йилнинг охиригача тайёр бўлиши ва у дунёдаги энг қиммат маҳсулотга айланиши керак эди.
Изоҳ (0)