Ko‘zoynak taqish koronavirus yuqtirish xavfini kamaytiradimi? Cosmopolitan nashri aniq javobi yo‘q ushbu savolga to‘xtaldi.
AQSh allergiya va yuqumli kasalliklar milliy instituti direktori va Oq uy maslahatchisi Entoni Fauchining aytishicha, nafaqat burun va og‘izda, balki ko‘zlarda ham shilliq pardalar bo‘ladi. Ularni doim himoya qilish zarur. Shu sababli ko‘zoynak yoki himoya soyabonidan foydalanish tavsiya etiladi.
Shifokorlar himoya qanchalik kuchli bo‘lsa, shuncha yaxshi, deya baholaydi. Kasal odamdan virus zarralari u yo‘talganda, aksirganda va hatto, gaplashganda ham ko‘z shilliq pardasiga tushishi mumkin. Shu sababdan ham shifokorlar koronavirusga chalingan bemorlarni davolashda ko‘zni ham himoya qilishga qattiq e’tibor beradi.
Yana bir isboti – barmoqlar virus zarralarini ko‘zlarga uzatadi. Oddiy misol: ko‘zni ishqalaganda yoki bexosdan kipriklarga teginilganda virusni yuqtirish mumkin. Ayniqsa kontakt linza taqadigan kishilar bu ta’sirga juda sezgir bo‘ladi. Shuning uchun ham ko‘zoynak taqish tavsiya etiladi.
Virusni ko‘zlar orqali yuqtirish mumkinligi haqida aniq bir ma’lumot yo‘q. Ammo hech kim to‘liq javobgarlikni bo‘yniga olishga tayyor yoki mumkin emas deb ham aytmaydi.
Iyun oyida The Lancet tibbiyot jurnalida chop etilgan tadqiqot shuni ko‘rsatadiki, ko‘zni himoya qilmaslik, koronavirus bilan kasallanish ehtimolini oshiradi. O‘rtadagi 1,5–2 metrlik masofa infeksiyaga qarshi eng samarali omillardan biri. Ammo jamoat transportida bunday masofani ushlashning iloji yo‘q. Bunday vaziyatda esa ko‘zoynak xavfni kamaytiradi.
Har kim o‘zi uchun qaror qabul qiladi. Ammo kerakligi aniq xulosaga sabab bo‘lmasa-da, ko‘zoynakdan himoya vositasi sifatida foydalanish zarar qilmaydi.
Izoh (0)