Кўзойнак тақиш коронавирус юқтириш хавфини камайтирадими? Cosmopolitan нашри аниқ жавоби йўқ ушбу саволга тўхталди.
АҚШ аллергия ва юқумли касалликлар миллий институти директори ва Оқ уй маслаҳатчиси Энтони Фаучининг айтишича, нафақат бурун ва оғизда, балки кўзларда ҳам шиллиқ пардалар бўлади. Уларни доим ҳимоя қилиш зарур. Шу сабабли кўзойнак ёки ҳимоя соябонидан фойдаланиш тавсия этилади.
Шифокорлар ҳимоя қанчалик кучли бўлса, шунча яхши, дея баҳолайди. Касал одамдан вирус зарралари у йўталганда, аксирганда ва ҳатто, гаплашганда ҳам кўз шиллиқ пардасига тушиши мумкин. Шу сабабдан ҳам шифокорлар коронавирусга чалинган беморларни даволашда кўзни ҳам ҳимоя қилишга қаттиқ эътибор беради.
Яна бир исботи – бармоқлар вирус зарраларини кўзларга узатади. Оддий мисол: кўзни ишқалаганда ёки бехосдан киприкларга тегинилганда вирусни юқтириш мумкин. Айниқса контакт линза тақадиган кишилар бу таъсирга жуда сезгир бўлади. Шунинг учун ҳам кўзойнак тақиш тавсия этилади.
Вирусни кўзлар орқали юқтириш мумкинлиги ҳақида аниқ бир маълумот йўқ. Аммо ҳеч ким тўлиқ жавобгарликни бўйнига олишга тайёр ёки мумкин эмас деб ҳам айтмайди.
Июнь ойида The Lancet тиббиёт журналида чоп этилган тадқиқот шуни кўрсатадики, кўзни ҳимоя қилмаслик, коронавирус билан касалланиш эҳтимолини оширади. Ўртадаги 1,5–2 метрлик масофа инфекцияга қарши энг самарали омиллардан бири. Аммо жамоат транспортида бундай масофани ушлашнинг иложи йўқ. Бундай вазиятда эса кўзойнак хавфни камайтиради.
Ҳар ким ўзи учун қарор қабул қилади. Аммо кераклиги аниқ хулосага сабаб бўлмаса-да, кўзойнакдан ҳимоя воситаси сифатида фойдаланиш зарар қилмайди.
Изоҳ (0)