Abat Azatovich Fayzullayev 29-iyul kuni Oliy Majlis Senati Kengashining qarori bilan O‘zbekistonning Avstriyadagi elchisi etib tayinlandi, deb xabar beradi “Dunyo” axborot agentligi.
Tayinlovdan oldin Abat Fayzullayev vazirning yordamchisi – Tashqi ishlar vazirligining tashkiliy va nazorat bo‘limi boshlig‘i bo‘lib ishlagan.
Abat Fayzullayev Jahon iqtisodiyoti va diplomatiya universitetida bakalavriat va magistratura dasturlari bo‘yicha tahsil olgan (2000–2007). Shuningdek, u 2009-yilda Toshkent davlat iqtisodiyot universitetining sirtqi bo‘limini Xalqaro iqtisodiy munosabatlar mutaxassisligi bo‘yicha tamomlagan. U Tashqi ishlar vazirligida va O‘zbekistonning AQShdagi elchixonasida turli lavozimlarda ishlagan.
Abat Fayzullayev O‘zbekistonning Avstriyadagi sobiq elchisi, O‘zbekistonning Yevropada xavfsizlik va hamkorlik tashkiloti hamda Venadagi boshqa xalqaro tashkilotlardagi doimiy vakili Sherzod Asadovning o‘rnini egallaydi. Sherzod Asadov shu yilning mart oyida tashqi ishlar vazirining o‘rinbosari etib tayinlangan edi.
Izoh (0)