Samarqandda koronavirusga qarshi kurashgan tibbiyot xodimlarining oylik ish haqiga qo‘shimcha rag‘bat to‘lanmagan hududlar ma’lum qilindi

Samarqand viloyat adliya boshqarmasi hamda tuman va shahar adliya bo‘limlari viloyatda koronavirus infeksiyasi tarqalishiga qarshi kurashish tadbirlariga jalb qilingan, biroq oylik maoshiga qo‘shimcha rag‘batlantiruvchi to‘lovlar to‘lab berilmagan hududlar borligini ma’lum qildi. Bu haqda viloyat adliya boshqarmasi ma’lumotiga tayanib “Daryo” muxbiri xabar berdi.

Jumladan, Samarqand tuman tibbiyot birlashmasi tomonidan koronavirus infeksiyasi tarqalishiga qarshi kurashish tadbirlariga jalb qilingan 121 nafar xodimga 151 million 635 ming so‘m mablag‘ to‘lab berilmagan. Shuningdek,

• Ishtixon tumanida 18 nafar xodimga 22 million 236 ming so‘m;
• Toyloqda 28 nafar xodimga 36 million 311 ming so‘m;
• Kattaqo‘rg‘on shahrida 22 nafar xodimga 22 million 586 ming so‘m,
• Paxtachida 10 nafar xodimga 23 million 469 ming so‘m;
• Jomboyda 39 nafar xodimga 75 million 638 ming so‘m;
• Urgut tumanida 32 nafar xodimga 32 million 360 ming so‘m;
• Samarqand shahrida 32 nafar xodimga 32 million 815 ming so‘m;
• Payariq tumanida 11 nafar xodimga 11 million 500 ming so‘m;
• Oqdaryo tumanida 7 nafar xodimga 621 ming so‘m;
• Pastdarg‘om tumanida 3 nafar xodimga 3 million 78 ming so‘m

Bundan tashqari, ayrim tumanlarda tadbirga jalb qilingan sanitariya va epidemiologiya osoyishtilik markazi xodimlari oylik ish haqlariga ham qo‘shimcha ustamalar to‘lanmaganligi aniqlangan.

Xususan,

• Pastdarg‘om tumanida 74 nafar xodimga 64 million 230 ming so‘m;
• Samarqand tumanida 59 nafar xodimga 51 milion 289 ming so‘m;
• Ishtixonda 59 nafar xodimga 37 million 765 ming so‘m;
• Jomboy tumanida 52 nafar xodimga 53 million 755 ming so‘m;
• Kattaqo‘rg‘on shahrida 47 nafar xodimga 43 million 703 ming so‘m;
• Paxtachi tumanida 44 nafar xodimga 47 million 863 ming so‘m;
• Toyloq tumanida 42 nafar xodimga 62 million 961 ming so‘m;
• Qo‘shrabot tumanida 35 nafar xodimga 35 million 830 ming so‘m;
• Bulung‘ur tumanida 6 nafar xodimga 13 million 61 ming so‘m

Eslatib o‘tamiz, O‘zbekiston adliya organlari koronavirus pandemiyasi sharoitida tibbiyot xodimlariga kunlik qo‘shimcha va rag‘batlantiruvchi to‘lovlarning to‘lanishi bo‘yicha monitoring o‘tkazgani, natijalarga ko‘ra, bugungi kunda jami 9 milliard 9 million so‘mdan ortiq mablag‘ tibbiyot xodimlariga to‘lab berilmagani aniqlani xabar qilingan edi.