Самарқандда коронавирусга қарши курашган тиббиёт ходимларининг ойлик иш ҳақига қўшимча рағбат тўланмаган ҳудудлар маълум қилинди

Самарқанд вилоят адлия бошқармаси ҳамда туман ва шаҳар адлия бўлимлари вилоятда коронавирус инфекцияси тарқалишига қарши курашиш тадбирларига жалб қилинган, бироқ ойлик маошига қўшимча рағбатлантирувчи тўловлар тўлаб берилмаган ҳудудлар борлигини маълум қилди. Бу ҳақда вилоят адлия бошқармаси маълумотига таяниб «Дарё» мухбири хабар берди.

Жумладан, Самарқанд туман тиббиёт бирлашмаси томонидан коронавирус инфекцияси тарқалишига қарши курашиш тадбирларига жалб қилинган 121 нафар ходимга 151 миллион 635 минг сўм маблағ тўлаб берилмаган. Шунингдек,

• Иштихон туманида 18 нафар ходимга 22 миллион 236 минг сўм;
• Тойлоқда 28 нафар ходимга 36 миллион 311 минг сўм;
• Каттақўрғон шаҳрида 22 нафар ходимга 22 миллион 586 минг сўм,
• Пахтачида 10 нафар ходимга 23 миллион 469 минг сўм;
• Жомбойда 39 нафар ходимга 75 миллион 638 минг сўм;
• Ургут туманида 32 нафар ходимга 32 миллион 360 минг сўм;
• Самарқанд шаҳрида 32 нафар ходимга 32 миллион 815 минг сўм;
• Пайариқ туманида 11 нафар ходимга 11 миллион 500 минг сўм;
• Оқдарё туманида 7 нафар ходимга 621 минг сўм;
• Пастдарғом туманида 3 нафар ходимга 3 миллион 78 минг сўм

Бундан ташқари, айрим туманларда тадбирга жалб қилинган санитария ва эпидемиология осойиштилик маркази ходимлари ойлик иш ҳақларига ҳам қўшимча устамалар тўланмаганлиги аниқланган.

Хусусан,

• Пастдарғом туманида 74 нафар ходимга 64 миллион 230 минг сўм;
• Самарқанд туманида 59 нафар ходимга 51 милион 289 минг сўм;
• Иштихонда 59 нафар ходимга 37 миллион 765 минг сўм;
• Жомбой туманида 52 нафар ходимга 53 миллион 755 минг сўм;
• Каттақўрғон шаҳрида 47 нафар ходимга 43 миллион 703 минг сўм;
• Пахтачи туманида 44 нафар ходимга 47 миллион 863 минг сўм;
• Тойлоқ туманида 42 нафар ходимга 62 миллион 961 минг сўм;
• Қўшработ туманида 35 нафар ходимга 35 миллион 830 минг сўм;
• Булунғур туманида 6 нафар ходимга 13 миллион 61 минг сўм

Эслатиб ўтамиз, Ўзбекистон адлия органлари коронавирус пандемияси шароитида тиббиёт ходимларига кунлик қўшимча ва рағбатлантирувчи тўловларнинг тўланиши бўйича мониторинг ўтказгани, натижаларга кўра, бугунги кунда жами 9 миллиард 9 миллион сўмдан ортиқ маблағ тиббиёт ходимларига тўлаб берилмагани аниқлани хабар қилинган эди.