Yaponiya hukumati va Birlashgan Millatlar Tashkilotining Oziq-ovqat va qishloq xo‘jaligi tashkiloti Markaziy Osiyoda chigirtkaga qarshi kurashni kuchaytirish bo‘yicha loyihaga 7,25 million dollar ajratmoqda. Bu haqda Yaponiyaning O‘zbekistondagi elchixonasi matbuot xizmati xabar berdi.
Qayd etilishicha, O‘zbekiston chigirtkalar keltirgan zararni kamaytirish uchun oltita mamlakatda, jumladan, Qozog‘iston va Turkmanistonda transchegaraviy hamkorlik tizimini yaratishni rejalashtirmoqda.
Chigirtkalarni nazorat qilish uchun O‘zbekistonga 600 ming dollarga yaqin mablag‘ va jihozlar, jumladan, pestitsidlar, purkagichlar, transport vositalari, zararni kamaytirish uchun uskunalar, shuningdek, chigirtkalar joylashgan joy haqida ma’lumot to‘plash va ma’lumotlarni tahlil qilish tizimi taqdim etiladi.
2025-yilga kelib, Markaziy Osiyo mintaqasida chigirtkalarni erta aniqlash va yo‘q qilish bo‘yicha 2019-yilga nisbatan besh baravar ko‘p hududni qamrab oluvchi monitoring tizimini yaratish rejalashtirilgan.
Izoh (0)