Toshkent shahri va viloyatida yana 132 kishida koronavirus aniqlandi. O‘zbekistonda kasallanganlar soni 20 952 kishiga yetdi

O‘zbekistonda koronavirus infeksiyasi qayd etilgan bemorlar soni 2020-yil 27-iyul soat 17:00 holatiga ko‘ra, 132 kishiga ko‘payib, 20 952 nafarni tashkil etmoqda. Bu haqda Sog‘liqni saqlash vazirligi xabar berdi.

Yangi kasallangan bemorlarining

84 nafari Toshkent shahrida,
48 nafari Toshkent viloyatida koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan.

Ma’lum qilinishicha, 27-iyul kuni Toshkent viloyatida 75 nafar, Andijon viloyatida 32 nafar, Toshkent shahrida 18 nafar hamda Farg‘ona viloyatida 15 nafar, jami 140 nafar bemor kasallikdan tuzaldi. Shunday qilib O‘zbekistonda koronavirus infeksiyasiga chalingan 11 245 nafar bemor sog‘aydi va tuzalish ko‘rsatkichi 53 foizni tashkil qilmoqda. SSV shu paytga qadar 119 nafar bemor koronavirus asoratlaridan vafot etganini xabar qilgan.

Hozirda mamlakatda 9588 nafar bemorga shifokorlar tomonidan belgilangan standartlar bo‘yicha davo choralari ko‘rilmoqda.

Mavzuga doir: O‘zbekistonda koronavirusga chalingan bemorlardan 217 nafarining ahvoli og‘ir ekani ma’lum qilindi

Toshkent shahri va viloyatida yana 132 kishida koronavirus aniqlandi. O‘zbekistonda kasallanganlar soni 20 952 kishiga yetdi

Mavzuga doir

Izoh (0)

Daryo.uz | Sizning muammoingiz yechimi