“Liverpul” Angliya chempionatining so‘nggi turida “Nyukasl” ustidan irodali g‘alabani qo‘lga kiritdi (3:1).
Bu “qizillar” uchun Premyer Liga joriy mavsumidagi 32-g‘alaba bo‘ldi.
Shu tariqa “Liverpul” bir mavsumdagi g‘alabalar soni bo‘yicha “Manchester Siti” tomonidan 2017/18-yilgi mavsumda o‘rnatilgan rekordni takrorladi. Shuningdek, Pep Gvardiola jamoasi 2018/19-yilgi mavsumda ham ushbu natijani qayd etgandi.
Bundan tashqari “Liverpul” Angliya chempionati bir mavsumidagi g‘alabalar soni bo‘yicha klub rekordini ham yangiladi. Jamoa hatto mavsum davomida 42 ta uchrashuv o‘tkazilgan davrlarda ham 30 tadan ortiq g‘alabaga erisha olmagandi.
Yurgen Klopp qo‘l ostidagi jamoa 99 ochko to‘plagan holda Angliya chempioniga aylandi.
Izoh (0)