Futbol bo‘yicha Angliya Premyer Ligasining 38-turidan o‘rin olgan uchrashuvlar 26-iyul, yakshanba kuni bo‘lib o‘tdi.
Chempionlar Ligasi uchun kurash olib borgan “Lester” va “Manchester Yunayted” so‘nggi turda o‘zaro bahs yuritdi. Uchrashuvda teng kurash kuzatildi, alohida vaziyatlarda “tulkilar” biroz ustunlik qildi. Biroq birinchi bo‘lib “Manchester Yunayted” futbolchilari hisobni ochdi. 71-daqiqada Brunu Fernandesh penaltini aniq bajardi. O‘yin yakunlanishi arafasida Jessi Lingard darvozabonning xatosidan keyin ikkinchi golni urib, yakuniy hisobni o‘rnatdi.
Yana bir o‘yinda “Chelsi” jamoasi “Vulverhempton”ni qabul qildi. Birinchi bo‘lim yakunida Meyson Maunt va Olivye Jiru tomonidan urilgan gollar londonliklarga g‘alaba olib keldi.
Shu tariqa “Manchester Yunayted” va “Chelsi” mos ravishda 3 hamda 4-o‘rinlarni qo‘lga kiritgan holda Chempionlar Ligasiga yo‘llanma oldi. “Lester” 5-o‘ringa tushib ketdi.
Parallel kechgan bahslarda “Manchester Siti” autsayder “Norvich” darvozasiga javobsiz beshta gol urdi. Kevin de Bryuyne dubl qayd etgan bo‘lsa, Gabriel Jezus, Rahim Sterling va Riyod Mahrez bir martadan raqib darvozasini ishg‘ol qildi. “Liverpul” esa “Nyukasl” maydonida irodali g‘alabaga erishdi. “Tottenhem” London derbisida “Kristal Pelas” bilan durang o‘ynab, 6-o‘ringa ko‘tarildi.
Yakuniy musobaqa jadvali quyidagi ko‘rinishni oldi:
APL
38-tur bahslari
26-iyul, yakshanba
“Lester” – “Manchester Yunayted” 0:2
Gollar: 0:1 – 71, penalti Brunu Fernandesh, 0:2 – 90+7 Lingard.“Lester”: Shmeyxel, Evans, Jastin, Morgan, Tomas (Herst, 88), Tilemans (Barns, 73), Chouduri (Prat, 73), Olbrayton (Grey, 73), Ndidi, Vardi, Ixeanacho (Peres, 58).
“Manchester Yunayted”: De Xea, Lindelyof, Maguayr, Uilyams, Uan-Bissaka, Brunu Fernandesh (Maktominay, 86), Matich, Pogba, Marsyal (Igalo, 90), Grinvud (Lingard, 77), Reshford (Fosu-Mensa, 90).
Ogohlantirishlar: Maguayr (9), Lindelyof (63), Evans (68), Vardi (83), Pogba (90), Uilyams (90).
Chetlatish: Evans (90).
“Chelsi” – “Vulverhempton” 2:0
Gollar: 1:0 – 45 Maunt, 2:0 – 45 Jiru.“Chelsi”: Kabalyero, Jeyms, Zuma, Ryudiger, Alonso, Maunt (Pedro, 85), Jorjino (Barkli, 88), Pulishich (Hadson-Odoi, 78), Kovachich (Loftus-Chik, 85), Aspilikueta, Jiru (Abraham, 78).
“Vulverhempton”: Ruy Patrisiu, Kastro (Ruben Vinagre, 58), Koudi, Boli, Doerti (Podense, 59), Dendonker, Saiss, Ruben Nevesh (Moutinyu, 59), Netu (Traore, 46), Ximenes, Diogu Jota (Brunu Jordau, 84).
Ogohlantirishlar: Diogu Jota (22), Jiru (45), Netu (45), Dendonker (83), Aspilikueta (90).
“Kristal Pelas” – “Tottenhem” 1:1
Gollar: 0:1 – 13 Keyn, 1:1 – 53 Shlupp.“Nyukasl” – “Liverpul” 1:3
Gollar: 1:0 – 1 Geyl, 1:1 – 38 van Deyk, 1:2 – 59 Origi, 1:3 – 89 Mane.“Manchester Siti” – “Norvich” 5:0
Gollar: 1:0 – 11 Gabriel Jezus, 2:0 – 45 de Bryuyne, 3:0 – 79 Sterling, 4:0 – 83 Mahrez, 5:0 – 90 de Bryuyne.“Vest Hem” – “Aston Villa” 1:1
Gollar: 0:1 – 84 Grilish, 1:1 – 85 Yarmolenko.“Sauthempton” – “Sheffild Yunayted” 3:1
Gollar: 0:1 – 26 Landstrem, 1:1 – 50 Adams, 2:1 – 71 Adams, 3:1 – 84, penalti Ingz.“Everton” – “Bornmut” 1:3
Gollar: 0:1 – 13, penalti King, 1:1 – 41 Kin, 1:2 – 45 Solanke, 1:3 – 80 Stanislas.“Byornli” – “Brayton” 1:2
Gollar: 0:1 – 20 Bissuma, 1:1 – 44 Vud, 1:2 – 50 Konnolli.“Arsenal” – “Uotford” 3:2
Gollar: 1:0 – 5, penalti Obameyang, 2:0 – 24 Tirni, 3:0 – 33 Obameyang, 3:1 – 43, penalti Dini, 3:2 – 66 Uelbek.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!