“Milan” darvozaboni Janluiji Donnarumma A Seriyaning 35-turidan o‘rin olgan “Sassuolo”ga qarshi o‘yinda to‘liq 90 daqiqa harakat qildi.
Opta xabariga ko‘ra, bu Donnarumma uchun “Milan” tarkibidagi 200-o‘yin bo‘lgan. Ushbu ko‘rsatkichni u 21 yosh-u 146 kunligida qayd etdi.
Shu tariqa Donnarumma “Yuventus” darvozaboni Janluiji Buffonning ushbu yoshda qayd etgan natijasani yangiladi. Buffon 21 yoshgacha 134 ta o‘yin o‘tkazgan.
Ma’lumot uchun, Janluiji 2015-yilda 16 yoshida “Milan” safida debyut qilgan. Ushbu vaqt mobaynida u A Seriyada 172 ta o‘yin o‘tkazib, shulardan 60 tasida darvozasi daxlsizligini saqlab qolgan.
Shuningdek, u Italiya milliy terma jamoa safida ham 9 rasmiy uchrashuvda maydonga tushib, shulardan 5 tasini “quruq” o‘tkazgan.
Donnarumma ijrosidagi eng sara seyvlar to‘plamini tomosha qiling (video)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)