UFC prezidenti Deyna Uayt promoushenning yengil vazndagi chempioni Habib Nurmagomedov 2020-yil oktabrida vaqtinchalik chempion Jastin Getjiga qarshi oktagonga chiqishini ma’lum qildi. Bu haqda The National xabar bermoqda.
“Agar bizning (UFC) chempionlarimiz ro‘yxatiga e’tibor qaratsangiz, ular dunyoning turli burchaklaridan ekanligiga guvoh bo‘lish mumkin. Eng katta, eng zo‘r janglar joriy yil davomida Abu-Dabida bo‘ladi.
Nima uchun bunday deyapman? Abu-Dabi janglar poytaxti bo‘lishi imkoniyati ko‘rib chiqilmoqda. Avval bunday joy Las-Vegas edi. Ammo hozir bu aniq u yer emas.
Habib navbatdagisi bo‘ladi. Barcha katta janglar, shu jumladan, chempionlik va da’vogarlik janglari ham ‘Jangchilar oroli’da kechadi”, — deydi Uayt.
Shu tariqa Uaytning so‘zlariga ko‘ra, Habib Nurmagomedov va Jastin Getji o‘rtasidagi jang avval rejalashtirilganidek sentabrda emas, balki oktabr oyida kechadi. Bunga sabab sifatida esa Habibning otasi Abdulmanap Nurmagomedovning bevaqt o‘limi ko‘rsatilgan.
Habib Nurmagomedov hamda Jastin Getji ishtirokidagi barcha janglar videosini bu yerda tomosha qiling (Ko‘rish).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)