Futbol bo‘yicha Ispaniya La Ligasining so‘nggi, 38-turidan o‘rin olgan uchrashuvlar 19-iyul, yakshanba kuni bo‘lib o‘tdi.
O‘tgan turda chempionlikni qo‘lga kiritgan Madridning “Real” klubi safarda “Leganes”ga qarshi bahs olib bordi. Uchrashuvning 9-daqiqasidayoq Serxio Ramos mehmonlarni hisobda oldinga olib chiqdi. Birinchi bo‘limga qo‘shib berilgan vaqtda Brayan Hil muvozanatni tikladi.
Madridliklar ikkinchi bo‘lim debyutida ham to‘p kiritishga erishdi: Iskoning uzatmasidan so‘ng Marko Asensio darvozabon bilan birga-bir vaziyatga chiqib bordi va o‘z imkoniyatini ko‘kka sovurmadi. Maydon egalari 78-daqiqada kelib Roje Assalening golidan keyin yana hisobni tenglashtirdi. So‘nggi daqiqalarda “Leganes” futbolchilari madridliklar darvozasi oldida bir qator vaziyatlarga ega bo‘ldi, biroq hisob boshqa o‘zgarmadi.
Shu tariqa Zinedin Zidan shogirdlari mavsumni 87 ochko bilan yakunladi. “Leganes” esa quyi ligaga ravona bo‘ldi.
“Atletiko” Yevropa Ligasi yo‘llanmasi uchun kurash olib borayotgan “Real Sosyedad”ni qabul qildi. Kokening goliga san-sebastyanliklar Adnan Yanuzayning aniq zarbasi bilan javob qaytardi. Ushbu durang “Real Sosyedad”ga 6-o‘rinni taqdim etdi.
“Valensiya” klubi “Sevilya” maydoniga safar qildi. Serxio Regilonning yagona goli mezbonlarga g‘alaba olib keldi. Ushbu mag‘lubiyatdan keyin “ko‘rshapalaklar” Yevrokuboklarsiz qoldi.
Primera 2019/20-yilgi mavsumi yakuniy jadvali bilan tanishing:
La Liga
38-tur bahslari
19-iyul, yakshanba
“Leganes” — “Real Madrid” 2:2
Gollar: 0:1 – 9 Ramos, 1:1 – 45 Hil, 1:2 – 52 Asensio, 2:2 – 78 Assale.“Leganes”: Kuelyar, Siovas, Silva, Rosales, Bustinsa, Hil, Resio (Mesa, 55), Ruibal (Gerrero, 46), Amadu (Aviles, 78), Tarin (Assale, 55), Manu (Oskar Rodriges, 46).
“Real Madrid”: Areolya, Militao, Mendi, Ramos (Nacho, 46), Vaskes, Isko, Valverde, Asensio (Braim Dias, 61), Kazemiro (Kroos, 61), Vinisius Junior, Benzema (Yovich, 61).
Ogohlantirishlar: Resio (39), Ruibal (43), Bustinsa (49), Silva (56), Braim Dias (66).
“Vilyarreal” — “Eybar” 4:0
Gollar: 1:0 – 71 Zambo-Angissa, 2:0 – 86 Xerar Moreno, 3:0 – 89 Xerar Moreno, 4:0 – 90 Moyses Gomes.“Valyadolid” — “Betis” 2:0
Gollar: 1:0 – 45 Gvardiola, 2:0 – 63 Plano.“Sevilya” — “Valensiya” 1:0
Gol: 1:0 – 55 Regilon.“Osasuna” — “Malyorka” 2:2
Gollar: 1:0 – 21 Adrian, 1:1 – 45 Lumor, 1:2 – 65 Budimir, 2:2 – 68 Inigo Peres.“Levante” — “Xetafe” 1:0
Gol: 1:0 – 90+9 Koke.“Granada” — “Atletik” 4:0
Gollar: 1:0 – 29 Soldado, 2:0 – 55 Puertas, 3:0 – 67 Fernandes, 4:0 – 90 Montoro.“Espanyol” — “Selta” 0:0
“Atletiko” — “Real Sosyedad” 1:1
Gollar: 1:0 – 30 Koke, 1:1 – 87 Yanuzay.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)