Футбол бўйича Испания Ла Лигасининг сўнгги, 38-туридан ўрин олган учрашувлар 19 июль, якшанба куни бўлиб ўтди.
Ўтган турда чемпионликни қўлга киритган Мадриднинг «Реал» клуби сафарда «Леганес»га қарши баҳс олиб борди. Учрашувнинг 9-дақиқасидаёқ Серхио Рамос меҳмонларни ҳисобда олдинга олиб чиқди. Биринчи бўлимга қўшиб берилган вақтда Брайан Ҳил мувозанатни тиклади.
Мадридликлар иккинчи бўлим дебютида ҳам тўп киритишга эришди: Исконинг узатмасидан сўнг Марко Асенсио дарвозабон билан бирга-бир вазиятга чиқиб борди ва ўз имкониятини кўкка совурмади. Майдон эгалари 78-дақиқада келиб Роже Ассаленинг голидан кейин яна ҳисобни тенглаштирди. Сўнгги дақиқаларда «Леганес» футболчилари мадридликлар дарвозаси олдида бир қатор вазиятларга эга бўлди, бироқ ҳисоб бошқа ўзгармади.
Шу тариқа Зинедин Зидан шогирдлари мавсумни 87 очко билан якунлади. «Леганес» эса қуйи лигага равона бўлди.
«Атлетико» Европа Лигаси йўлланмаси учун кураш олиб бораётган «Реал Сосьедад»ни қабул қилди. Кокенинг голига сан-себастянликлар Аднан Янузайнинг аниқ зарбаси билан жавоб қайтарди. Ушбу дуранг «Реал Сосьедад»га 6-ўринни тақдим этди.
«Валенсия» клуби «Севилья» майдонига сафар қилди. Серхио Регилоннинг ягона голи мезбонларга ғалаба олиб келди. Ушбу мағлубиятдан кейин «кўршапалаклар» Еврокубокларсиз қолди.
Примера 2019/20 йилги мавсуми якуний жадвали билан танишинг:
Ла Лига
38-тур баҳслари
19 июль, якшанба
«Леганес» — «Реал Мадрид» 2:2
Голлар: 0:1 – 9 Рамос, 1:1 – 45 Ҳил, 1:2 – 52 Асенсио, 2:2 – 78 Ассале.«Леганес»: Куэльяр, Сиовас, Сильва, Росалес, Бустинса, Ҳил, Ресио (Меса, 55), Руибаль (Герреро, 46), Амаду (Авилес, 78), Тарин (Ассале, 55), Ману (Оскар Родригес, 46).
«Реал Мадрид»: Ареоля, Милитао, Менди, Рамос (Начо, 46), Васкес, Иско, Вальверде, Асенсио (Браим Диас, 61), Каземиро (Кроос, 61), Винисиус Жуниор, Бензема (Йович, 61).
Огоҳлантиришлар: Ресио (39), Руибаль (43), Бустинса (49), Сильва (56), Браим Диас (66).
«Вильярреал» — «Эйбар» 4:0
Голлар: 1:0 – 71 Замбо-Ангисса, 2:0 – 86 Херар Морено, 3:0 – 89 Херар Морено, 4:0 – 90 Мойсес Гомес.«Вальядолид» — «Бетис» 2:0
Голлар: 1:0 – 45 Гвардиола, 2:0 – 63 Плано.«Севилья» — «Валенсия» 1:0
Гол: 1:0 – 55 Регилон.«Осасуна» — «Мальорка» 2:2
Голлар: 1:0 – 21 Адриан, 1:1 – 45 Лумор, 1:2 – 65 Будимир, 2:2 – 68 Иниго Перес.«Леванте» — «Хетафе» 1:0
Гол: 1:0 – 90+9 Коке.«Гранада» — «Атлетик» 4:0
Голлар: 1:0 – 29 Сольдадо, 2:0 – 55 Пуэртас, 3:0 – 67 Фернандес, 4:0 – 90 Монторо.«Эспаньол» — «Сельта» 0:0
«Атлетико» — «Реал Сосьедад» 1:1
Голлар: 1:0 – 30 Коке, 1:1 – 87 Янузай.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)