Zidan “Real” boshqaruvidagi 11-sovringa ega chiqdi. U har 19 o‘yinda bitta sovrin yutmoqda

Madridning “Real” klubi Ispaniya chempionatining 2019/20-yilgi mavsumi chempioniga aylandi.

Bu fransiyalik mutaxassis Zinedin Zidan uchun madridliklar boshqaruvidagi 11-sovringa aylandi.

Shu tariqa Zidan “Real” boshqaruvidagi o‘rtacha har 19 o‘yinda bitta sovrin yutib olmoqda — jami 209 o‘yinda 11 sovrin.

48 yoshli mutaxassis bunga qadar “Real” bilan uchta Chempionlar Ligasi (2015/16, 2016/17, 2017/18), ikkita Yevropa Superkubogi (2016, 2017), ikkita Ispaniya Superkubogi (2017, 2019/20), ikkita klublar o‘rtasidagi Jahon chempionati (2016, 2017) va bitta La Liga (2016/17) sovrinini qo‘lga kiritgandi.

Shuningdek, Zidan Fabio Kapello davridan (2016-yil) keyin ilk bor ikki marta Primera g‘olibligini qo‘lga kiritdi.

Ushbu natijaga faqat 8 nafar mutaxassis erishgan: Migel Munyos (9 ta chempionlik), Luis Molovni (3), Leo Benxakker (3), Xuan Vilyalonga (2), Milyan Milyanich (2), Fabio Kapello (2), Visente del Boske (2) va Zinedin Zidan (2).