Qozog‘istonlik UFC jangchisi Jalgas Jumagulov UFC 251 musobaqasidagi mag‘lubiyatida murabbiyini aybladi.
Qozog‘istonlik yakkakurashchi Abu-Dabida o‘tgan UFC kechasida braziliyalik Raulian Payvaga ochkolar hisobida mag‘lub bo‘lgandi.
“Uning jigariga yaxshi zarbalar bergan vaqtim bo‘ldi, u buni his qildi, biroq oxiriga yetkaza olmadim. Keyin chap tomondan yo‘llagan zarbam yaxshi tegdi. Balki videoda ko‘rinmas, biroq yuzma-yuz turganingda, hammasini his qilasan.
Ammo ozgina yetmadi, “stoyka”mni o‘zgartirganim sabab oxirigacha ishlay olmadim. Agar o‘z uslubimda davom etganimda, uni nokautga uchratardim! Biroq hammasi ortda qoldi. Hamma shikoyatni murabbiyimga qilishingiz mumkin. U menga “stoyka”ni almashtirishni aytdi, men bajardim. Men hammasini yuz foiz bajardim”, — deydi Jumagulov.
Bu Jumagulov uchun UFC’dagi debyut jang edi. 31 yoshli yakkakurashchi bunga qadar MMA’da 13 marta g‘alaba qozongan va uch bor mag‘lub bo‘lgandi.
16-iyul kungi UFC Fight Night 177 musobaqasi qanday o‘tdi? (video)
Izoh (0)