Futbol bo‘yicha Italiya chempionatining 33-turidan o‘rin olgan 15-iyul, chorshanba kungi o‘yinlar yakunlandi.
Turinning “Yuventus” jamoasi “Sassuolo” maydoniga safar qildi. Dastlab turinliklar Danilo va Gonsalo Iguainning tezkor gollari orqali oldinga o‘tib oldi. Birinchi bo‘limda maydon egalari bunga Filip Jurichichning goli bilan javob qaytardi.
Ikkinchi bo‘lim debyutida “Sassuolo” Domeniko Berardi va Franchesko Kaputoning kiritgan to‘plaridan keyin vaziyatni o‘z tomoniga og‘dirdi. 64-daqiqada Aleks Sandro muvozanatni tikladi va bu o‘yindagi so‘nggi gol bo‘ldi.
“Yuventus” 77 ochko bilan peshqadamlikda davom etmoqda va eng yaqin ta’qibchisi “Atalanta”ni 7 ochkoga ortda qoldirgan.
Parallel kechgan o‘yinda “Roma” o‘z maydonida “Verona”ni qabul qildi. Jordan Veretu va Edin Jekoning gollari rimliklarga uch ochko taqdim etdi. Poytaxtning yana bir jamoasi “Latsio” safarda “Udineze” bilan durang o‘ynadi va ikkinchi o‘ringa ko‘tarilib olish imkoniyatini qo‘ldan chiqardi.
A Seriya
33-tur bahslari
15-iyul, chorshanba
“Sassuolo” — “Yuventus” 3:3
Gollar: 0:1 – 5 Danilo, 0:2 – 12 Iguain, 1:2 – 29 Jurichich, 2:2 – 51 Berardi, 3:2 – 54 Kaputo, 3:3 – 64 Aleks Sandro.“Sassuolo”: Konsilyi, Myuldyur, Kirikesh (Marlon, 75), Peluzo, Kiryakopulos, Jurichich (Traore, 67), Lokatelli, Manyanelli (Burabiya, 67), Boga (Raspadori, 86), Berardi (Ferrari, 86), Kaputo.
“Yuventus”: Shensni, Danilo, Kyellini (Rugani, 46), de Ligt, Aleks Sandro, Bentankur, Matyuidi (Remzi, 81), Pyanich (Rabyo, 57), Bernardeski (Duglas Kosta, 62), Iguain (Dibala, 57), Ronaldu.
Ogohlantirishlar: Manyanelli (42), Bernardeski (45), Kiryakopulos (53), Berardi (58), Ronaldu (62), Bonuchchi (81), Burabiya (90), Remzi (90).
“Roma” — “Verona” 2:1
Gollar: 1:0 – 10, penalti Veretu, 2:0 – 45 Jeko, 2:1 – 47 Pessina.“Udineze” — “Latsio” 0:0
“Lechche” — “Fiorentina” 1:3
Gollar: 0:1 – 6 Kyeza, 0:2 – 38 Gezzal, 0:3 – 40 Kutrone, 1:3 – 88 Shaxov.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)