Futbol bo‘yicha Angliya Premyer Ligasining 36-turidan o‘rin olgan uchta o‘yin 15-iyul, chorshanba kuni bo‘lib o‘tdi.
“Manchester Siti” o‘z maydonida “Bornmut”ni qabul qildi. Maydon egalari 6-daqiqadayoq David Silvaning chiroyli golidan keyin oldinga o‘tib oldi. 39-daqiqada Silvaning uzatmasidan so‘ng Gabriel Jezus o‘z hisobiga gol yozdirib qo‘ydi. Mehmonlar bunga 88-daqiqaga kelib javob qaytara oldi.
Pep Gvardiola shogirdlari mazkur g‘alabadan keyin ochkolarini 75 taga yetkazdi. Jamoa muddatidan avval ikkinchi o‘rinni naqd qilib qo‘ygan.
Parallel kechgan bahsda “Tottenhem” jamoasi “Nyukasl” mehmoni bo‘ldi. Harri Keynning dubli va Son Hyon Minning kiritgan to‘piga mezbonlar Mett Ritchining aniq zarbasi bilan javob qaytardi.
Ushbu g‘alabadan keyin “shporlar” 55 ochko bilan 7-o‘ringa ko‘tarildi. “Nyukasl” (43) esa 13-pog‘onada qoldi.
Shuningdek, “Vulverhempton” jamoasi “Byornli” uyiga safar qildi. “Bo‘rilar” 96-daqiqada gol o‘tkazib, g‘alabani qo‘ldan chiqardi. “Vulverhepmton” 56 ochko bilan 6-o‘rinda qoldi.
APL
36-tur bahslari
15-iyul, chorshanba
“Manchester Siti” — “Bornmut” 2:1
Gollar: 1:0 – 6 Silva, 2:0 – 39 Gabriel Jezus, 2:1 – 88 Bruks.“Manchester Siti”: Ederson, Uoker (Erik Garsiya, 46), Mendi (Zinchenko, 77), Otamendi, Stounz, Gundo‘g‘an (Rodri Ernandes, 68), Fernandinyo, Foden, Silva, Bernardu Silva (Sterling, 46), Gabriel Jezus (Mahrez, 77).
“Bornmut”: Remsdeyl, Kuk, Steysi, Kelli, Riko, Lerma, Stanislas (Bruks, 69), Billing (Serrij, 90), Gosling (Kuk, 70), Solanke (Uilson, 69), King (Uilson, 77).
Ogohlantirishlar: Kelli (17), Erik Garsiya (90).
“Nyukasl” — “Tottenhem” 1:3
Gollar: 0:1 – 27 Son Hyon Min, 1:1 – 56 Ritchi, 1:2 – 60 Keyn, 1:3 – 90 Keyn.“Nyukasl”: Dubravka, Yedlin (Lazaro, 55), Fernandes, Sher, Kraft, Sen-Maksimen, Ritchi, Bentaleb (Longstaff, 86), Shelvi, Almiron, Geyl (Joelinton, 69).
“Tottenhem”: Lyoris, Devis, Sanches, Alderveyreld, Orye, Sissoko, Lukas Moura (Bergveyn, 57), Lo Chelso (Lamela, 62), Uinks, Son Hyon Min, Keyn (Vertongen, 90).
Ogohlantirishlar: Alderveyreld (31), Fernandes (35), Shelvi (65), Keyn (74), Devis (85).
“Byornli” — “Vulverhempton” 1:1
Gollar: 0:1 – 76 Ximenes, 1:1 – 90+6, penalti Vud.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)