Xitoyda o‘tgan bir sutka ichida koronavirus bilan kasallanish bo‘yicha 7 ta va kasallik belgisiz o‘tayotgan 6 ta holat aniqlandi, deb xabar bermoqda “Interfaks” Xitoy Sog‘liqni saqlash milliy komissiyasiga tayanib.
Qayd etilishicha, yangi kasallanish holatlarining barchasi chetdan yuqtirilgan.
Jons Hopkins ma’lumotlariga ko‘ra, mamlakatda koronavirus bilan kasallanganlar soni 84 917 nafarga yetgan, shundan 79 754 nafari sog‘aygan, 4641 nafari vafot etgan.
Janubiy Koreyada esa sutka davomida 63 kishida koronavirus aniqlanib, mamlakatda jami kasallanganlar soni 13 244 nafarga yetdi.Kasalliklar profilaktikasi va nazorati markazi (KCDC) ma’lumotlariga ko‘ra, yangi kasallanish holatlarining 30 tasi mamlakatning o‘zida, qolganlari chetdan yuqtirilgan.
Janubiy Koreyada koronavirusga chalinganlar soni ikki kundan buyon 50 ming kishidan oshmayotgandi. Bundan avval esa kunlik kasallanganlar soni 60 kishidan ortiq bo‘lgan.
Jons Hopkins ma’lumotlariga ko‘ra, mamlakatda virusdan sog‘ayganlar soni 11 970 kishini, vafot etganlar soni esa 285 kishini tashkil qilmoqda.
Izoh (0)