Boliviya prokuraturasi sobiq prezident Evo Moralesga rasmiy ravishda terrorizmda aybladi, deya xabar berdi “RBK”. Prokuratura, shuningdek, siyosatchining hibsga olinishini talab qildi.
Prokuratura ma’lumotlariga ko‘ra, sobiq prezident 2019-yil noyabr oyidagi norozilik namoyishlari paytida oziq-ovqat blokadasi va shaharlarni qamal qilishda ayblanmoqda.
Sobiq prezident prokuraturaning harakatlari noqonuniy va konstitutsiyaga zid ekanligini aytdi.
Prokuratura sobiq prezidentga tegishli telefon suhbatining yozuvini e’lon qildi va uni haqiqiyligiga kafolat berdi.Yozib olingan suhbat davomida Morales hokimiyatni obro‘sizlantirish uchun yirik shaharlarni blokirovka qilishni muhokama qilgan.
Ma’lumot uchun, Boliviyadagi vaziyat 2019-yil oktabr oyida prezident saylovlarida Morales g‘olib bo‘lganidan keyin keskinlashdi. Mamlakatda hukumatga qarshi norozilik namoyishlari boshlandi.
Namoyish ishtirokchilari Moralesni saylov natijalarini qalbakilashtirishda aybladi. Harbiylar va namoyishchilar bosimi ostida sobiq prezident iste’foga chiqdi va mamlakatni tark etdi.
Avvalroq Evo Morales iste’foga chiqishiga AQSh fitnasini sabab sifatida ko‘rsatgan edi.
Izoh (0)